GJER PAR­KEN BIL­LE­GA­RE: I sta­den for å løy­va meir pen­gar til den plan­lag­de ak­ti­vi­tets­par­ken, har kommunestyret i Klepp bestemt at første byg­gje­trinnet ik­kje skal kos­ta over 30 mil­li­o­nar kro­ner. Ved kom­mu­ne­di­rek­tø­ren sitt for­slag had­de pris­lap­pen blitt på nes­ten 47 mil­li­o­nar kro­ner.
GJER PAR­KEN BIL­LE­GA­RE: I sta­den for å løy­va meir pen­gar til den plan­lag­de ak­ti­vi­tets­par­ken, har kommunestyret i Klepp bestemt at første byg­gje­trinnet ik­kje skal kos­ta over 30 mil­li­o­nar kro­ner. Ved kom­mu­ne­di­rek­tø­ren sitt for­slag had­de pris­lap­pen blitt på nes­ten 47 mil­li­o­nar kro­ner. Foto: Teik­ning: Aros Arkitekter AS

Kommunestyret i Klepp vedtok måndag kveld at prisen for aktivitetsparken skal ned. 19 av dei 31 kommunestyrerepresentantane røysta for at første byggjetrinn for parken ik­kje skal kos­ta over 30 mil­li­o­nar kro­ner.

– Burde bevart isen

Tom Ove Øksnevad (Frp) sa at det var eit genitrekk då det blei laga isflate ved kjøpesenteret Jærhagen.

– Kommunen burde ha sørga for at isbanen ved Jærhagen blei sikra etter at kjøpesenteret blei utvida. Eg er flau over situasjonen me har kome i. Fire år er gått, me har ingen resultat og er berre blitt fem millionar kroner fattigare, summerte Øksnevad, som la vekt på at det hastar å få ny isbane på plass.

Roar Lima Grødeland (Sp) synte til at det er viktig å skapa gode møteplassar.

– Det er viktig med attraktive uterom når folk skal bu tettare. Aktivitetsparken er blitt dyrare enn planlagt, men eg har inga tru på å senda saka attende til administrasjonen. Me må heller drøfta om me skal setja på pauseknappen til me får råd. Det er viktig å realisera den nye kyrkja og rådhuset først, og fiksa hagen til slutt, sa Sp-representanten.

For lågt kalkulert

Vedtaket som kommunestyret gjorde, inneber at aktivitetsparken vil kosta godt under 30 millionar kroner. Årsaka er at prosjekteringsarbeidet som står igjen, skal trekkjast frå dei 30 millionane.

Saka kom opp då det blei klart at første byggjetrinnet for aktivitetsparken fekk ein kostnadssprekk på nærare 12 millionar kroner. Bakgrunnen er at aktivitetsparken var for lågt kalkulert i forhold til det som er mogleg å byggja i dagens marknad. I tillegg er prosjektet vidareutvikla, noko som har ført til auka kostnadar.

Kommunedirektøren rådde politikarane til å auka rammene med nesten 12 millionar, noko politikarane altså ikkje ville vera med på. Med kommunedirektørens forslag hadde prislappen for første byggjetrinnet blitt på nesten 47 millionar kroner.

Dei fem millionane som allereie har gått med til planlegging, er trekt ifrå ramma som i utgangspunktet var på 35 millionar kroner

Ville venta med bygget

12 av kommunestyrerepresentantane røysta for eit forslag frå Roar Lima Grødeland (Sp) som gjekk for å etablera isflate på området no, men venta med sjølve aktivitetspark-bygget til den nye kyrkja og rådhuset i Klepp er ferdig.

Else Hauge (Ap) var samd med Lima Grødeland.

– Eg trur at det er ei god løysing å utsetja bygginga av aktivitetsparken til kommunehuset er ferdig. Vilkåret må vera at dei får til ein mellombels isbane, sa ho.

Ein isbane på cirka 900 kvadratmeter har vore ein sentral del av første byggjetrinnet i den planlagde aktivitetsparken. Planen har vore at det skal vera is i aktivitetsparken tre-fire månadar i året.