Fire golfsimulatorar tar åleine 178,8 kvadratmeter i tilbygget Jæren Golfklubb har teikna i forlenginga av dagens klubbhus.
I simulatorane blir ein prosjektor brukt til å visa banen det blir spelt på. Simulatorane skal gje golfklubben eit heilårstilbod.
– Me begynte å skjelva litt i buksene då simulatorar dukka opp i golfklubbar rundt oss, med tanke på mista medlemmar, forklarer dagleg leiar Mona Ueland til Jærbladet i forkant av den politiske behandlinga torsdag ettermiddag.
For å få utnytte av investeringa, ønsker klubben også å bygga tre sosiale rom i tilbygget, på til saman 116,2 kvadratmeter.
Utfordringa er at grunnflata på 309 kvadratmeter er langt større enn det kommunen utan vidare er villig til å gå med på.
Slik fungerer golfsimulatoren: [brick-component="brick-teaser-player"]:not(:defined) article.brick-teaser-player-overlay { display: none; } Vil du sjå neste video?Total krise i Time1:26
Vekst i biltrafikken?
I ein søknad om utviding og dispensasjon, skriv golfklubben at simulatorane vil kunna brukast av maks 16 spelarar om gongen.
Og sidan dei ifølge klubben vil vera mest aktuelle å bruka på vinterstid, vil dei ifølge klubben ikkje skapa meir personbiltrafikk.
Kommunedirektøren skriv at konsekvensar for trafikk er eit eksempel på noko som kunne ha vore avklart i ein reguleringsprosess.
Kjell Olav Stangeland (Ap), som la fram forslag om å sjå vekk frå eit krav om detaljregulering, meiner konsekvensane for bil trafikk ofte blir brukt som motargument i saker med negativ innstilling frå kommunedirektøren.
Avslag frå kommunalsjefen
I eit møte halde for eitt år sidan, skal administrasjonen og golfklubben ha blitt samde om at saka kunne behandlast som ei planendring.
I saka som er lagt fram for utvalet, skriv kommunedirektøren at føresetnaden var at tilbygget ikkje var større enn 200 kvadratmeter.
Søknaden som vart sendt inn i sommar, inneheldt planar for eit langt større bygg og ein søknad om dispensasjon.
Kommunalsjefen vedtok ikkje å gje dispensasjonen fordi han meiner dei nye golfsimulatorane vil kunna gje auka trafikk til området.
I avslaget blir det argumentert med at den gjeldande reguleringsplanen ikkje er til hinder for utbygginga golfklubben ønsker seg.
Samstundes har kravet om detaljregulering den fordelen at det kan gje betre grunnlag for å vurdera korleis tilbygget kjem til å påverka omgjevnadene.
Tid og pengar
I reguleringsplanen for golfbanen på Grødem er det stilt krav om ein bustadplan – når det skal gjerast ei hovudombygging større enn 250 kvadratmeter, og ved påbygging, tilbygging og nybygging med bruksareal større enn 50 kvadratmeter.
I det oppdaterte lovverket er bustadplan («bebyggelsesplan») erstatta med detaljregulering av areal innanfor planområdet.
Måndag 14. november var Jæren golfklubb rundt i gruppemøta til Høgre, Ap, Sp, KrF og Frp, for å legga fram sitt syn på saka.
Partia har åtte av ni representantar i utval for lokal utvikling, som torsdag klokka 12 kom til Grødem på synfaring.
I forkant av synfaringa forklarer dagleg leiar Mona Ueland og styreleiar Helge Lode til Jærbladet at målet med søknaden om dispensasjon frå kravet om detaljregulering, er å spara tid og pengar.
Samrøystes vedtatt
Kjell Olav Stangeland (Ap) meiner politikarane bør strekka seg langt for ikkje å påføra frivillige ekstra utgifter.
Han viste til at kommunedirektøren, om ein ser bort frå kravet til dispensasjon, verkar å vera positiv til utviding.
Stangeland la fram forslag om å innvilga dispensasjonen. Forslaget som fekk støtte frå ni av ni i utvalet, har denne grunngjevinga:
- Jæren golfklubb er ein frivillig organisasjon med nesten 1000 medlemmer. Golfbanen på Grødem har stort besøk, og er ein viktig faktor for folkhelsa i Time kommune. Det er særlegpositivt at mange unge og eldre søkjer til golfbanen. Det omsøkte tiltaket med fire nye golfsimulatorar vil føra til minimal auke iaktiviteten på golfbanen. Det vil derfor heller ikkje føra til auka trafikk til golfbanen og derforikkje ha noko betydning for naboane
Pål Undheim (H) bad om politisk skjønn og eit «fast track» for golfklubben. Kristin Armstrong Oma (MDG) meiner utvidinga er eit udelt gode og at det er viktig å få på plass simulatorane raskt, sidan mange andre klubbar har dette tilbodet.
Jone Fosse (Sp) er veldig positiv til tiltaket. Han bur nært golfbanen på Grødem og har aldri opplevd problem med trafikken.
Elisabeth Dysjaland (Frp) meiner det er rett å støtta dispensasjonen slik at «Jærens største idrettslag» får bygga raskt, ikkje minst for å kunna halda på ungdommen.
Anders Undheim (KrF) ville ikkje vera åleine om å setta seg imot forslaget frå Stangeland.
Men han er ikkje sikker på at golfklubben sparer tid på dispensasjonen. Han ser ikkje bort frå at Statsforvaltaren kjem med motsegn.
