Sjå bilda: Mange tok turen til Farmendagen

– Det me treng i desse tider, er ein god drøs, lått og løye med leik på tvers av generasjonar, kontakt med dyr og med jord. Det gjev glede og tilknyting, seier leiar for Klepp Bygdekvinnelag, Marianne Øvregaard.

Trass grått og vått vêr ved inngangen til Farmendagen 2026 klokka 12 laurdag ettermiddag, fyltest parkeringsplassen ved Horpestad kultursenter – tidlegare Horpestad skule – seg raskt opp, og arrangørane måtte både ta i bruk ein del av fotballbanen og vegkanten langs Orrevegen for å finna plass til alle som kom køyrande.

Inne på kultursenterområdet var det lagt opp til eit breitt utval av aktivitetar både inne og ute, dei aller fleste med utgangspunkt i gards- og bygdeliv

.

Klepp Bygdekvinnelag, Fram 4H, Klepp Bygdeungdomslag og Klepp Bondelag står saman bak Farmendagen, som blei arrangert for første gong i fjor.

Arrangørane håpar at arrangementet kan gje inspirasjon til å læra meir om bondeyrket, og at det kan bidra til å fremja levande og berekraftige bygder.