Slo tilbake mot droneangrep: USA og Saudi-Arabia råka mål i Irak

USA og Saudi-Arabia gjennomførte presisjonsangrep i Irak mot Iran-støtta grupper tysdag, melder den amerikanske militærkommandoen for Midtausten, CENTCOM, på X. Kommandoen opplyser at gruppene har vorte beordra av Revolusjonsgarden i Iran til å angripe amerikanske mål og saudiarabisk infrastruktur. Det blir meldt om fleire døde etter angrepa. Amerikanske og saudiarabiske kampfly råka fleire av logistikk- og våpenanlegga til terroristane over heile det austlege Irak, som svar på Revolusjonsgarden sine droneangrep dei siste 72 timane. Iran har angripe og stansa tre oljetankarar i Hormuzsundet, i tillegg til å ha angripe ei amerikansk base i Jordan. Forsvarsdepartementet i Saudi-Arabia melde tysdag kveld at dei hadde stansa fleire dronar som vart avfyrte mot eit av oljeanlegga deira, og skuldar Iran-støtta grupper i Irak for å stå bak.