Cruiseskip måtte snu i Oslofjorden

Cruiseskipet «Sky Princess» måtte snu i Oslofjorden på grunn av tett tåke. Skipet var på veg til Oslo, men kunne ikkje segle gjennom Drøbaksundet på grunn av dårleg sikt. Laurdag morgon køyrde skipet i ring på fjorden medan det venta på betre ver. Men like før klokka åtte, snudde skipet og segla ut fjorden igjen, ifølge Marine Traffic. «Sky Princess» er eigd av det amerikanske selskapet Princess Cruises. Det er 330 meter langt, og har plass til opp til 4610 gjestar.