Dataangrep mot Digdir held fram

Dataangrepet mot Digitaliseringsdirektoratet (Digdir) held fram på tredje døgnet. Angrepet starta natt til måndag, og er det tredje og største på kort tid. Ti tenester har vore ramma av angrepet, blant andre MinID, Altinn og E-innsyn. – Det siste om situasjonen onsdag morgon er at angrepet enno går føre seg, løysingane er oppe og går og stabile. Men vi jobbar framleis med å handtere angrepa, seier pressevakt Are Kvistad i Digdir til NTB.