I april i fjor rykte politiet ut etter melding om vinglete køyring på E18 i Bærum.
Bilen dei stoppa viste seg å vere full av amerikanske sølvmyntar, som er knytt til eit investeringsbredageri i USA for fleire år sidan.
I to varebilar fann politiet 66.860 forsvunne myntar til ein verdi av 25 millionar kronar.
No er tre personar dømde for grov kvitvasking i saka, skriv Økokrim i ei pressemelding.
– Det vil seie at dei har oppbevart sølvmyntane, eller bidratt til å oppbevare dei, seier påtaleansvarleg i saka, statsadvokat Jon André Hvoslef-Eide.
Ytterlegare fem personar var sikta i saka, men etterforskinga av desse er lagt bort.
Tre nordmenn dømd
Ein norsk mann er dømd til fengsel i to år og seks månadar for grov kvitvasking.
Ei norsk kvinne er dømd til fengsel i seks månadar for aktlaus grov kvitvasking.
Ein norsk mann er dømd til vilkårsbunde fengsel i 10 månadar for aktlaus grov kvitvasking.
To britiske statsborgarar var også tiltalte for aktlaus grov kvitvasking i samband med transport av myntane, men er begge frifunne.
Kjem til å anke
– Min klient opplever dommen som svært belastande og er skuffa over å ikkje bli trudd, seier Mads Meidell Løsnes, som er forsvarar for mannen som fekk den strangaste straffen.
Han seier at opplysningane i saka teikner eit tydeleg bilete av at klienten hans har blitt utnytta og ikkje har tent noko på dette.
– Det er heller ikkje noko faktisk grunnlag for å tillegge han ei rolle som organisator, seier Løsnes.
– Dommen vil bli anka.
Anette Barlind er forsvarar for mannen som er dømd til 10 månaders vilkårsbunde fengsel. Hennar klient tek domen til etterretning.
– Han har jo fortalt til retten at han ikkje har vore klar over at myntane stammer frå eit straffbart forhold. Han er blitt høyrd på til det, og er jo dømd, dømd for uaktsomheit.
– Det ligg ikkje an til at han vil anke, seier Barlind.
NRK har ikkje fått tak i dei andre forsvararane i saka.
Har leitt sidan 2018
Heile saka knyttest til eit stort internasjonalt investeringsbedrageri i USA.
Økokrim hadde samarbeida med amerikanske myndigheiter om saka sidan 2018.
Dagens Næringsliv publiserte for nokre år tilbake ein omfattande reportasje om saka.
Ein tidlegare amerikansk amish-pastor svindla religiøse amerikanarar for over 130 millionar kroner.
Svindelpengane blei kvitvaska ved å kjøpe eigedom i Bærum og store mengder amerikanske sølvmyntar.
I 2019 slo Økokrim og FBI til mot rin villa i Bærum.
Der fant de 79.500 sølvmyntar gjemt bort. De blei anslått til å vere verdt 17 millionar kroner på den tida.
Den amerikanske pastoren blei utlevert til USA og dømt til 25 års fengsel.
Samtidig var politiet sikre på at store deler av de hvitvaskede sølvmyntane framleis mangla.
– Dei var sporlaust forsvunne i mange år, heilt til dei dukka opp i to varebilar på E18 i fjor, seier Hvoslef-Eide.
Han er glad for at den verdifulle lasten har komme til rette.
– Det er gledeleg at sølvet kom til rette og at dommen no har falle, slik at dei fornærma i saka i USA kan få ført tilbake verdiane dei har blitt svindla for.
Dommen er ikkje endå rettskraftig.