Full storm langs kysten: Førte til stengde vegar og innstilte ferjer

I Namsos i Trøndelag har vinden revet bort takplater på et fjøs. Fleire tusen har mista straumen i Trøndelag måndag kveld.

– Vinden er nok på sitt sterkaste akkurat no, sa vakthavande meteorolog Bente Marie Wahl til NRK i 20-tida.

Det er full storm og orkan langs kysten, og den sterke vinden har skapt utfordringar for fleire.

Meteorologane har sendt ut gult farevarsel for kraftige vindkast.

Møre og Romsdal og Trøndelag, samt delvis sør i Helgeland har merka mest til vinden.

– Ona fyr i Møre og Romsdal og Kråkenes i Vestland har hatt vindkast på 37 meter i sekundet, medan Sula i Trøndelag og Buholmråsa har hatt 36,5 meter i sekundet.

Det er desse fyrstasjonane som har hatt den kraftigaste vinden, seier Wahl.

Fleire vegstrekningar, bruer og ferjesamband blei råka av vêret.

Ferjesamband:

• Molde – Vestnes – A-ferja innstilt frå og med kl. 21.40. Denne starta opp igjen klokka 01.00 natt til tysdag.
• Dønna–Sandnessjøen – Fleire avgangar kansellert, forventa avgang på A-ruta frå kl. 21.30.
• Hareid–Sulesund – C-ruta er innstilt ut kvelden frå kl. 18.40 (generelle forseinkingar elles på sambandet). Startar opp igjen med avgang 06.40 frå Hareid.
• Aukra–Hollingsholmen – Innstilt frå kl. 19.00. Starta opp igjen med normal rute frå 05.00 tysdag morgon.
• Igerøy–Horn – Innstilt frå kl. 19.00.
• Oldeide–Måløy – Innstilt, men det er sett opp passasjerbåt.
• Brattvåg–Dryna – Innstilt ut dagen. Normal drift frå 06.25.
• 825 Dyrøy–Mausundvær–Sula ferjekai – Innstilt ut dagen.
• Garten–Storfosna – Innstilt ut dagen.
• Mausund–Setra – Innstilt ut dagen.
• Gjerdinga–Eidshaug – Innstilt ut dagen.
• Lund – Hofles – Innstilt ut dagen.
• Borgan – Ramstadlandet – Innstilt ut dagen.
• Hurtigbåtane til Boreal (Ålesund og omland) – Innstilt, det er sett inn buss for båt. Desse startar opp igjen etter kvart tysdag morgon.
• Stranda–Liabygda – Fleire avgangar råka.
• Småge – Finnøya – Sandøya – Ona – Innstilt.
• Edøya–Sandvika. Starta opp igjen med normal drift frå klokka 05.15 frå Sandvika.
• Tangen–Alstahaug – Innstilt.
• Rødøy–Jektvik – Innstilt.
• Sund–Horsdal – Avgangar kansellerte.
• Vassdalsvik–Ørsnes – Innstilt.
• Vennesund–Holm – Innstilt.
• Levang–Nesna – Innstilt.

Bruer:

Ein rekke bruker var stengt måndag.

• Herøybrua – Stengt etter at fleire tilhengarar på vogntog har blåst over og sperra vegbana (ikkje meldt om personskadar).
• Remøybrua – Stengt grunna sterk vind.
• Rundebrua – Stengt grunna sterk vind.
• Nerlandsbrua – Stengt grunna sterk vind.
• Lepsøybrua – Stengt.

Tysdag morgon har alle desse opna igjen.

Vegstengingar:

• Valderøytunnelen – Stengt grunna trevelt (måndag ettermiddag).
• Fylkesveg 5920 Stadheim (Stranda) – Stengt grunna eit tre over vegbana (entreprenør arbeidar med å fjerne det).
• Fylkesveg 720 (Steinkjer, Trøndelag) – Stengt grunna tre i vegbana.
• Fylkesveg 6046 Skaret (Aukra) – Stengt grunna tre i vegbana.
• Fylkesveg 714 mellom Sørdalstunnelen og Mjønestunnelen (Orkland, Trøndelag) – Stengt grunna vêret.

Fly:

• Eit SAS-fly, som ifølgje Flightradar24 frå Oslo til Kristiansund måndag ettermiddag har snudd tilbake til hovudstaden.

Sjå full oversikt over stengde vegstrekningar på Statens vegvesens trafikkart.

Redningsaksjon i fjellet

Tidlegare på ettermiddagen gjekk det også føre seg ein redningsaksjon i Fjord kommune, etter at ein person på fjelltur fekk ein stein over seg. Denne skal no vere avslutta.

Det er elles meldt om fleire mindre straumbrot i Møre og Romsdal måndag.

Ifølgje Linja er til saman 100 husstandar utan straum på Sandanger i Sande og to stader på Stad.

Varslar full storm langs kysten

Det er venta lokalt kraftige vindkast på opp mot 27 til 35 meter i sekundet frå sørvest, og full storm på kysten.

NVE har også sendt ut gult farevarsel for flaum i deler av Rogaland, Vestland og Møre og Romsdal.

I både Vestland og Rogaland er det meldt om nedbørsrekord i oktober, og fleire vegar er oversumt.

Ber folk om å halde seg unna

Politiet har mottatt fleire meldingar frå Vegtrafikksentralen, om personar som trosser vegstengingar som følgje av uveret måndag.

– Vi oppfordrar alle til å forhalde seg til stengingane av vegstrekningar, oppfordrar operasjonsleiar Tove Susann Brunvold Holst-Dyrnes.

Også Vegvesenet ber innstendig folk om å vere forsiktige.

– Det blæs mykje, det er tre som veltar og skilt som bles over ende, seier operatør på vegmeldingssentralen i Vegvesenet, Hans Petter Riddervold Hårsvær.

Hårsvær oppfordrar folk til å passe på i trafikken måndag ettermiddag.

– Folk kan vere litt obs, vere litt varsame når dei ferdast, seier han.

Framleis blaute dagar i vente

Meteorologane anbefaler elles folk om å feste lause gjenstandar, reinse renner, kummer og andre vassvegar og unngå ferdsel på utsette stader.

Uveret er venta å betre seg frå 20-tida og utover måndag kveld.

– Vinden vil sakte, men sikkert minke. I løpet av dei tidlege nattetimane er han nede i stiv kuling, og i morgon tidleg bles det liten til stiv kuling.

Det bles framleis godt, men det er merkbart mindre enn no, og meir som normalt mykje vind å rekne, seier Wahl.

Nedbøren vil gå over til meir vanlege regnbyer, og det skal særleg bli blautt i Møre og Romsdal og Trøndelag.

Likevel er vasstanden i vassdraga venta å søkke utover tysdag.

– Vinden gjev seg, men særleg i Møre og Romsdal må ein vente ein del regnbyer i morgon.

Det er ikkje sendt ut noko regnvarsel der, men det ligg tett oppunder eit gult varsel, opplyser Wahl.

– Byene er meir lokale, så nokre vil få meir enn andre, også i Trøndelag og på Vestlandet. Det er framleis greitt å følgje litt ekstra med, men det verste er over, både av vind og nedbør.