Kvart år samlast heile landet til verdas største dugnad.
I dag vart det kjent at kongen sjølv skal bidra til årets TV-aksjon.
Kvar han skal gå med bøsse, er endå ikkje offisielt kjent.
Midlane frå årets innsamling går til NRC Flyktninghjelpa, og skal gi over 400 000 menneske på flukt frå krig og konflikt ein trygg stad å bu.
Kongen, som også er høgaste beskyttar for aksjonen, skal sjølv gå frå dør til dør med den velkjende bøssa 18. oktober.
Lang tradisjon
Kongefamilien har gjennom meir enn 50 år stilt opp for TV-aksjonen som beskyttarar.
Det har vore ein tradisjon som har bidratt til å samle heile landet rundt humanitære føremål.
Nina E. Larsen, leiar for TV-aksjonen, er glad for at kongen stiller opp.
– Det er ei ære å ha med kongen som ein av våre 90.000 bøsseberarar i år.
Behov for fleire
Bøsseberarane er viktige for TV-aksjonen. Kvar samlar inn 2300 kroner i gjennomsnitt.
Larsen understrekar at det framleis er behov for fleire folk.
– Vi manglar 58.000 bøsseberarar, så eg håpar at fleire gjer som kongen og melder seg som bøsseberar. Bli bøssebærer her.
Sjå TV-aksjonen i NRK TV og på NRK1 søndag 18. oktober frå kl. 19.50:
Høyr P3aksjonen 12.–15. oktober kl. 15.00–20.00 på NRK P3: