Kronprinsen deltek ikkje i statsråd fredag

Kronprins Haakon deltek ikkje i statsråd fredag. Han deltek ofte på dette møtet med regjeringa saman med kongen, og skulle etter planen ha gjort det også denne veka. – På grunn av kronprinsessas livstrugande kroniske sjukdom vil kronprinsen justere programmet sitt framover for å legge til rette for å vere saman med kronprinsessa i denne perioden, seier kommunikasjonssjef Guri Varpe ved Slottet til NRK. Det var Aftenposten som melde om saka først. Førre fredag blei det kjent at kronprinsesse Mette-Marit er sett i kø for lungetransplantasjon, etter at tilstanden hennar har blitt verre den siste tida.