Ny person sikta i Lørenskog-saka

Ein 59 år gammal svensk statsborgar er sikta i Lørenskog-saka, stadfestar Øst politidistrikt i ei pressemelding. – Av omsyn til etterforskinga har vi ikkje kunne stadfeste dette før no, då det kunne påverke forklaringa til mannen om den eventuelle tilknytinga til saka, seier påtaleansvarleg Lisbeth Ravlo Backe. Ho seier det er gjennomført to avhøyr av mannen. 59-åringen er sikta for drap eller for å ha medverka til drap. Med det er to personar sikta i saka der Anne-Elisabeth Hagen forsvann frå heimen sin i Lørenskog for snart åtte år sidan.