Politiet melde første om ulykka klokka 03:37 natt til laurdag. Totalt tre personar var involvert, og to blei frakta til sjukehus etter ulykka.
Ulykka skjedde då ein fritidsbåt trefte ei steinkai i Aure kommune. Båten skal så ha starta å søkke, om lag to meter frå kaia.
Éin av personane blei flogen til St. Olavs hospital i Trondheim og er ifølgje politiet kritisk skadd.
Éin blei frakta til sjukehuset på Hjelset utanfor Molde og er omtala som lettare skadd.
Den tredje personen blei frakta til legevakta, men er ifølge politiet uskadd.
Årsaka til ulykka er uklar.