Tobias Santelmann har trekt seg frå «The White Lotus»

Skodespelar Tobias Santelmann skal ikkje lenger vera med i HBO-serien «The White Lotus». Det melder VG. 30. mars meldte Warner Bros. Discovery at Santelmann sto på rollelista i den fjerde sesongen av den populære HBO-serien. Santelmann sitt agentur seier til VG at han ikkje lenger kunne delta fordi det krasja med andre oppdrag. – Han er stor fan av serien, men akkurat no er det berre ikkje mogleg å få til, seier Annika Witkowska i Salomonsson agency til avisa i ein e-post. Frå før av har skodespelar Helena Bonham Carter òg trekt seg frå den same produksjonen.