Tre gutar dømde for 17. mai-vald

Tre mindreårige gutar blei torsdag dømde for vald mot ein russ i Bergen sentrum på 17. mai. Alle tre hadde tilstått. Ein video som spreidde seg på nett etter nasjonaldagen viser korleis ein 18-åring blei slått i bakken. Tre gutar slo og sparka han medan han låg nede. Denne veka måtte dei tre tenåringsgutane møta i rettsmøte . I dag har Hordaland tingrett avgitt tilståingsdommar for alle tre. To av dei er dømde til seks månader ungdomsstraff og 14.000 kroner i oppreising. Den tredje guten er dømd til 14 dagars betinga fengsel. Han må betala 3000 kroner i oppreising.