Soldater står på rekke i militæruniformer. De bærer hjelmer og solbriller, og har rifler ved siden av seg. Bak dem er det grønt gress og en blå himmel. Til venstre i bildet er en militærkjøretøy. (Bildebeskrivelsen er laget av en KI-tjeneste)
VIL FORBY: Eit nytt lovforslag vil forby amerikanske soldatar og sivilt tilsette i forsvarsdepartementet å vedde på krigshandlingar og andre globale hendingar dei kan ha innsideinformasjon om. Foto: Zsolt Czegledi / MTI,NTB

Nettsida Polymarket har fått mykje merksemd den siste tida.

Der kan brukarar vedde pengar på stort og smått, også internasjonale hendingar og krigshandlingar.

Skjermbilde av Polymarket-nettside som viser en trending-listepost. Listen inneholder et bilde av Nicolas Maduro og teksten "Maduro out by...?". Under er en oppføring for 31. desember 2025 med et volum på $34,641,401. En ny oppføring for 31. januar 2026 er også synlig. (Bildebeskrivelsen er laget av en KI-tjeneste)
Brukarar på Polymarket kunne blant anna vedde på om Nicolás Maduro kom til å bli avsett innan visse datoar. Foto: Wyatte Grantham-Philips / AP,NTB

Nyleg blei ein amerikansk soldat tiltalt for å ha brukt hemmelege opplysningar om bortføringa av Nicolás Maduro i januar til fleire veddemål. Soldaten var sjølv med i planlegginga og utføringa av aksjonen mot Maduro, har New York Times skrive.

Soldaten, som nektar straffskuld, skal ha tent 400.000 dollar, eller over 3,7 millionar kroner, på veddemåla.

Nå tar eit nytt lovforslag til orde for å forby slike veddemål blant militært personell.

Her er nokre av dei største skandalane knytte til såkalla prediksjonsmarknader som er avslørte den siste tida:

Hegseth får ansvar

Lovforslaget frå forsvarskomiteen i Representanthuset blei offentleggjort førre veke.

Dei vil blant anna forby personar som har relevant «ikkje-offentleg informasjon», eller som «rimelegvis kan skaffe» slik informasjon, å vedde på såkalla prediksjonsmarknader.

En mann i dress og slips ser mot kameraet. Til høyre i bildet er et amerikansk flagg. Mannen har grått hår og et alvorlig uttrykk. Han bærer en blå dressjakke, hvit skjorte og et rødt slips med hvite striper. (Bildebeskrivelsen er laget av en KI-tjeneste)
Forsvarsminister Pete Hegseth vil ha det øvste ansvaret for å implementere lova, om ho når gjennom Kongressen. Foto: AFP

Kongressen må først stemme over forslaget. Blir det fleirtal, må forsvarsminister Pete Hegseth sørge for at det kjem forskrifter og ei rekke straffereaksjonar for dei som bryt lova.

Forbodet mot slike veddemål vil også gjelde sivilt tilsette i forsvarsdepartementet.

Forbode for fleire

Senatet har allereie innført forbod mot å bruke prediksjonsmarknader for medlemmane sine, skriv CNN.

Guvernørane i California og Illinois forbyr òg delstatstilsette å bruke slike tenester.

Føderal lov i USA forbyr allereie tenester som Polymarket å tilby veddemål på krigshandlingar til brukarar i USA.

Men dei har ei populær nettside utanfor USA, der dei tilbyr veddemål om krig, som brukarar enkelt kan få tilgang til via VPN, skriv CNN.

Åtvarar

Også i Noreg har prediksjonsmarknader fått merksemd.

Måndag skreiv NRK om Magnus Pedersen, politisk rådgivar i Spillavhengighet Norge, som åtvarar om slike tenester.

– Du kan bade i avhengnads­skapande produkt, og det er skummelt, sa Pedersen.

Interessert i utanriks? Høyr siste podkastepisode frå NRKs utanriksredaksjon: