– Me er enormt heldige med vêret, seier Kjøllesdal til Jærbladet.
Skal ein tru vêrmeldinga blir nemleg helga einaste møte med opphaldsvêr og sol i løpet av veka.
Det passar godt for Voll IL, som for andre gong skal arrangera barneløp i Plogenparken i Klepp.
Det gjer dei i samarbeid med Klepp kommune og Jæren Sparebank.
– Me kallar det for Plogenløpet, seier Kjøllesdal.
Frå null år og oppover
Løpet er opent for alle frå null år og opp til sjuande klasse. Dei blir delt opp i ulike klassar. Dei aller yngste skal, naturleg nok, løpa i lag med foreldra.
Dei yngste gruppene skal løpa ein runde gjennom parken. Dei mellom null og tre spring i lag med foreldra, medan dei mellom 4 og 5 år spring ein runde aleine.
Første- og andreklassingar skal løpa to rundar, tredje-, fjerde- og femteklassingar skal løpa tre rundar, medan sjette- og sjuandeklassingar skal springa fire rundar.
Gratis
Det er gratis å delta.
– Jæren Sparebank tar kostnaden med medaljar og startnummer og slikt, seier Kjøllesdal.
Dei har bestilt inn dobbelt så mange startnummer og medaljar som i fjor. Då måtte arrangørane setta stopp ved 360 påmelde.
I år har dei dobla kapasiteten.
– Me vil at det skal vera plass til alle. Det er bra at me kan ha eit tilbod til alle, seier Kjøllesdal.
Startskotet for første løp går sundag klokka 15:00.