Bildecollage med ulike matrettar. Eit av bilda er ei kvinne med eit norsk flagg
SHARING IS CARING: Fleire av rettane på Lise Finckenhagen sin 17. mai-meny er laga for at dei skal vera enkle å dela med andre.Grafikk: Meek / Cappelen Damm, Finckenhagen, Henriksen / NRK

Lise Finckenhagen står for maten i årets 17. mai-sending frå slottsplassen.

Sjølv er ho oppteken av å gjera det enkelt når mange skal til bords på nasjonaldagen.

Menyen ho har komponert i år er både ting som ein kan dela, men òg som kan stå framme over lengre tid

– Noko ein berre kan gå og småeta litt på.

Kvinne med gul genser og eit norsk flagg i handa ser i kamera
Lise Finckenhagen liker å gjera det enkelt når ho skal laga mat til 17. mai. Foto: Henrik Storm Henriksen / NRK

– Så må ein gjera det enkelt. Førebu så mykje du kan dagen før.

Salatar som smakar

Salatar av ulikt slag kan vera fint å ha på eit stort bord.

– Det må vera noko som treffer alle, seier Finckenhagen

– Eg synest jo det er veldig godt med friske salatar. No når det er litt høgare temperaturar er det jo godt å eta litt lett.

OppskriftFruktig tomatsalat Enkel

OppskriftMelonsalat med skinke Enkel glutenfri

OppskriftHjarte­salat med jordbær og cottage cheese-dressing Enkel glutenfrivegetar

OppskriftPotetsalat med ramslauk Middels

Digg på grillen

For Lise Finckenhagen har pølser på grillen blitt ein slags «Guilty Pleasure».

– Me seier at me må kasta nokre pølser på grillen fordi ungane vil ha det, men me synest jo det er godt sjølv òg. Det same med burgarar.

– Men så kan me jo òg putta på litt meir spennande toppingar, så det ser litt «fresht» ut, legg ho til.

OppskriftPølsefest til 17. mai Enkel

OppskriftBurgar med karamellisert lauk og rosa dressing Middels

OppskriftGrilla laks med grilla kål og grøn saus Middels vegetar

Medan me ventar

Treng du noko kjapt og enkelt, har Lise den perfekte dippen som òg er enkel å ta med til selskapet du skal i.

– Det er dritenkelt, og det ser kult ut. Det handlar jo litt om presentasjon òg.

– Og viss du ikkje likar rogn, kan du berre køyra på med ein eller annan ost du likar.

OppskriftLise Fincken­hagens ventedipp Enkel glutenfrivegetar

OppskriftSmørsteikt surdeigs­toast med rekerøre Enkel vegetar

Me må jo ha dessert

Finckenhagen skjønar at folk kan bli stressa av matlaging i finstasen.

– Eg merkar jo at det er litt vanskelegare å laga mat når eg har pynta meg. Då er det lurt å få gjort unna piskinga og ting du veit at sprutar og søler på førehand.

– Eit godt forkle trur eg er lurt!

OppskriftPavlova med sjokolade og bær Middels

– Blir det tid til å markera 17. mai sjølv i år då?

– Nei, det trur eg kanskje ikkje det blir, men det er jo kjempestas å få stå midt på slottsplassen og få sjå barnetoget, smiler ho og legg til:

– Dette er jo den ultimate 17. mai-feiringa. Eg føler at eg har fått den beste festen.